„იუვენტუსი“ ცდილობს „პარი სენ-ჟერმენის“ ნახევარმცველი, ლეანდრო პარედესი გაიფორმოს. პარიზული კლუბი მასში 25 მილიონ ევროს ითხოვს - გვამცნობს Tuttosport.
ტურინელენბი იმედოვნებენ, რომ პარიზელები არგენტინელს ფასს დაუკლებენ, წინააღმდეგ შემთხვევაში, ისინი მზად არიან ლეანდრო იჯარის წესით დაიმატონ.
„ბებერი ქალბატონის“ ახალწვეული, ანხელ დი მარია, ბევრ კარგს უყვება თანამემამულესა და ყოფილ თანაგუნდელს „იუვენტუსზე“ და პარედესიც იტალიაში გადაბარგების წინააღმდეგი არ ყოფილა.
