ფეხბურთი

0:04 | 12.08.2022 | ნანახია [] - ჯერ

U17 | ფრე მონტენეგროსთან მეორე ტესტ-მატჩში

საქართველოს 17-წლამდე ვაჟთა ნაკრებმა, რუსთავის ტექნიკური ცენტრის სტადიონზე მონტენეგროელი თანატოლების წინააღმდეგ მეორე ამხანაგური მატჩი გამართა. შეხვედრა ფრედ, ანგარიშით 1:1 დასრულდა.

საქართველოს ნაკრებმა ანგარიში სწრაფი გოლით გახსნა. მე-2 წუთზე მასპინძლები საბა სამუშიამ დააწინაურა. მე-8 წუთზე სტუმრებმა 11-მეტრიანის შესრულების უფლება მოიპოვეს. ვასილიე ადჟიჩის დარტყმა საქართველოს 17-წლამდე ნაკრების მეკარემ, სოსო კოპალიანმა მოიგერია. მატჩის საბოლოო ანგარიში მეორე ტაიმში ანდრია ბულატოვიჩმა დააფიქსირა.

გიორგი ხიზანიშვილის გუნდი, ევროპის ჩემპიონატის საკვალიფიკაციო რაუნდის მომდევნო ციკლს, მიმდინარე წლის ოქტომბერში ითამაშებს. 17-წლამდე ნაკრები ჯგუფში - ინგლისს, ისრაელს და ლიეტუვას დაუპირისპირდება.

მატჩები 2022 წლის შემოდგომაზე - 25, 28 და 31 ოქტომბერს გაიმართება. საკვალიფიკაციო რაუნდს საქართველო უმასპინძლებს.

NAKREBI.GE

0.113314