კატალონიის „ბარსელონამ“ რობერტ ლევანდოვსკი „კამპ ნოუს“ სტადიონზე გულშემატკივრების წინაშე წარადგინა.

პოლონელი ფორვარდი ესპანურ გრანდში 9-ნომრიანი მაისურით ითამაშებს, მიუხედავად იმისა, რომ პრესეზონზე 12 ნომერი ემოსა. აღსანიშნავია, რომ „ბარსაში“ ბოლოს 9 ნომრით მემფის დეპაი თამაშობდა, ამრიგად, ნიდერლანდელს ახალი კლუბის მოძებნა მოუწევს.

შეგახსენებთ, რომ „ბარსელონამ“ რობერტ ლევანდოვსკი მიუნხენის „ბაიერნიდან“ 45 მილიონ ევროდ დაიმატა. პოლონელის ოფიციალური დებიუტი „ბლაუგრანაში“ 13 აგვისტოს, „რაიო ვალეკანოსთან“ შედგება.