ხვიჩა კვარაცხელიამ ნეაპოლელების გაოცება უკვე დაიწყო. კვარამ "ნაპოლის" მაისურით 4 ამხანაგურ შეხვედრაში მიიღო მონაწილეობა და მის ანგარიშზე 3 გოლი, 2 საგოლე პასია.

21 წლის ქართველი ფეხბურთელის შესახებ ვრცელ სტატიას იტალიური La repubblica წერს და მას ფენომენს უწოდებს.

"ხვიჩა კვარაცხელიას ძალიან ცოტა დრო დასჭირდა იმისათვის, რათა დაემტკიცებინა მისი ოსტატობა, რომელიც კიდევ უფრო მეტი ცოდნის მიღებისკენ და განვითარებისკენ ისწრაფვის. მარცხენა ფლანგი მისი სამფლობელოა. აჩქარება, დრიბლინგი, ძლიერი დარტყმა - მას ყველა თვისება აქვს, რაც "ნაპოლის" გულშემატკივრების გულებს იგებს.

მისი თამაში "ნაპოლის" თამაშს ცვლის. მუდმივად მომღიმარი და თანაგუნდელების მოსიყვარულე ფეხბურთელი. მას კლუბში ადაპტაციის პროცესიც არ უჭირს და გავრცელდა ვიდეო, რომელშიც თანაგუნდელებთან ერთად სკამზე ასული მღერის.

ხვიჩა NBA-ს დიდი გულშემატკივარია. "გოლდენ სტეიტს" გულშემატკივრობს და სტეფ ქარი მისი კუმირია. ქარი ეროვნული საკალათბურთო ასოციციაში საუკეთესო მსროლელია და კვარა ეცდება მას მიბაძოს, ოღონდ ფეხით და იმ სცენაზე, რომელზეც მარადონა უკვდავი გახდა."- წერს იტალიური გამოცემა