ჩოგბურთი

2:05 | 3.08.2022 | ნანახია [] - ჯერ

ჯოკოვიჩი ალბათ აშშ-ის ღია პირველობაზე არ ითამაშებს

ნოვაკ ჯოკოვიჩმა შესაძლოა, ვერც აშშ-ის ღია პირველობაზე იასპარეზოს. პრობლემა ისევ კოვიდ-19-ზე ვაქცინციის სტატუსის გაუხმაურებლობაა. სერბი ჩოგბურთელი ფიგურირებს მონრეალის და ცინცინატის ტურნირების განაცხადებში. ეს ტურნირები წინ უძღვის აშშ-ის ღია პირველობას.

ფლეშინგ მედოუსის მოთხოვნებში არ შედის ჩოგბურთელების ვაქცინციის მოთხოვნა. მაგრამ ტურნირი პატივს სცემს აშშ-ის მთავრობის პოზიციას იმასთან დაკავშირებით, რომ ქვეყანაში არ შეუშვებენ არავაქცინირებულ უცხოელებს.

გარდა ამისა, აშშ-ის ღია პირველობაზე თამაშის უფლება, ჩოგბურთელებს ბოლო 42 დღეში ნაჩვენები შედეგების შესაბამისად ენიჭებათ. თუ ჯოკოვიჩი მონრეალსა და ცინცინატიში ვერ ითამაშებს (კანადასა და აშშ-ში არშეშვების გამო), მას საჭირო რეიტინგი არ ექნება. ამ პრობლემის მოგვარება, უაილდ ქარდით არის შესაძლებელი. მაგრამ თუ ჩოგბურთელს ქვეყანაში არ შეუშვებენ, ის ვერც ტურნირზე ასპარეზობას შეძლებს.

ჯოკოვიჩის ვებგვერდზე არაფერი წერია იმასთან დაკავშირებით, თუ უახლოეს პერიოდში ჩოგბურთელი რომელ ტურნირებზე გამოსვლას გეგმავს. მას ნათქვამი აქვს, რომ აშშ-ის ღია პირველობისთვის ემზადება, მაგრამ ჯერ არ იცის, იქ დაუშვებენ, თუ არა.

ჯოკოვიჩმა ახლახანს უიმბლდონი მოიგო. ეს მის მიერ მოგებული დიდი სლემის 21-ე ტიტულია. მას ერთი ტიტული აკლია რაფაელ ნადალის მიღწევამდე. ესპანელს ამ სეზონში ორი დიდი ტიტული აქვს, რომლებიც ავსტრალიის და საფრანგეთის ღია პირველობებზე მოიპოვა.

0.155091