იტალიელმა საფეხბურთო მენეჯერმა პიეტრო ლო მონაკომ, რომელიც ადრე „პალერმოსა“ და „კატანიას“ სპორტული დირექტორი იყო, თქვა, რომ ხვიჩა კვარაცხელია „ნაპოლისთვის“ ძალიან მნიშვნელოვანი შენაძენია.

„ნაპოლიმ“ უკვე შეიძინა ძალიან მნიშვნელოვანი ფეხბურთელი - კვარაცხელია. მისი სახლი მარცხენა ფლანგია, ამიტომ, ეს ტერიტორია მას უნდა დაუტოვონ“, - თქვა ლო მონაკომ.

შეგახსენებთ, რომ ხვიჩა კვარაცხელიამ პრესეზონზე 4 მატჩში 3 გოლი და 2 საგოლე პასი მიითვალა. „ნაპოლის“ მომდევნო ამხანაგური შეხვედრა 3 აგვისტოს, ესპანურ „ჟირონასთან“ აქვს დაგეგმილი.