ძიუდო

19:34 | 30.07.2022 | ნანახია [] - ჯერ

საქართველოს ძიუდოისტთა ნაკრების ბრინჯაოს მედალი ახალგაზრდულ ოლიმპიურ ფესტივალზე

სლოვაკეთის ქალაქ ბანსკა-ბისტრიცაში ევროპის ახალგაზრდულ ოლიმპიურ ფესტივალზე დღეს შეჯიბრი ძიუდოს გუნდურ სახეობაში გაიმართა და საქართველოს ნაკრებმა ბრინჯაოს მედალი მოიპოვა.

საქართველომ პირველ წრეში მოლდოვის ნაკრებს 4:3 აჯობა, მეოთხედფინალში კი იტალიის ნაკრებთან გაცილებით იოლად, 4:0 იმარჯვა. შედეგად, ნახევარფინალში გავიდა, სადაც უკვე უკრაინის ნაკრებთან ვერაფერი გააწყო და 2:4 დამარცხდა.

ამრიგად, საქართველოს ნაკრებს ბრინჯაოს მედლისთვის მოუწია ბრძოლა, სადაც გერმანიის ნაკრებთან უმძიმეს შეხვედრაში, რომელსაც ქართველები 1:3-ს აგებდნენ, 4:3 მოიგეს.

შეგახსენებთ, რომ ინდივიდუალურ ასპარეზობაში ქართველმა ძიუდოისტებმა 7 მედალი მოიპოვეს. საქართველოს ნაკრებს ახალგაზრდულ ოლიმპიურ ფესტივალზე სწორედ ძიუდოისტების მიერ მოპოვებული 8 მედალი აქვს - 2 ოქრო და 6 ბრინჯაო.

0.158058