„ბარსელონას“ თავდამსხმელმა, რობერტ ლევანდოვსკიმ, ჟურნალისტებს თავისი აზრი გაუზიარა „მანჩესტერ სიტის“ მწვრთნელზე, ხოსეპ გვარდიოლაზე, რომლის ხელმძღვანელობითაც ის მიუნხენის „ბაიერნში“ თამაშობდა.
„პეპთან ტაქტიკის თაობაზე ბევრს ვსაუბრობდი. მან ჩემი საფეხბურთო ხედვა შეცვალა, სხვაგვარად გამაგებინა თამაშის არსი. მისი წყალობით ახლა ნებისმიერ ტაქტიკურ სქემას შემიძლია ალღო ავუღო.
ვიმედოვნებ, სწორად გავიგებ ყველაფერს, რასაც ჩავი „ბარსელონაში“ მომთხოვს.“ - ციტირებს პოლონელი ფორვარდის სიტყვებს Marca.
