„პარი სენ-ჟერმენის“ ნიდერლანდელმა ნახევარმცველმა, ჟორჟინიო ვეინალდუმმა, კარიერა შესაძლოა იტალიურ „რომაში“ გააგრძელოს - წერს La Gazzetta dello Sport.

წყაროს ინფორმაციით, კლუბების პრეზიდენტებმა პირადადც განიხილეს ნიდერლანდელის სავარაუდო ტრანსფერის წვრილმანები. ფეხბურთელიც თანახმა ყოფილა იტალიაში გადასვლაზე და უკვე „რომას|“ მთავარ მწვრთნელთან, ჟოზე მოურინიუსთანაც უსაუბრია.

ახლა იჯარის საკითხზე მოლაპარაკება დარჩა, რომელიც მომავალი გამოსყიდვის პერსპექტივით გაფორმდება.

შეგახსენებთ, რომ 2021 წელს ვეინალდუმი „ლივერპულიდან“ პსჟ-ში თავისუფალი აგენტის სტატუსით გადავიდა.