ამსტერდამის „აიაქსში“ სტივენ ბერგვაინი გადავიდა. ამის შესახებ ნიდერლანდური კლუბის ვებგვერდი იტყობინება.

24 წლის ფეხბურთელის სანაცვლოდ „აიაქსმა“ ლონდონის „ტოტენჰემს“ 31.2 მილიონი ევრო გადაუხადა და კონტრაქტი 2027 წლის ზაფხულამდე გაუფორმა.

ბერგვაინი „ტოტენჰემში“ 2020 წლიდან თამაშობდა და 83 მატჩში 8 გოლი გაიტანა. მანამდე ის 2014-2020 წლებში პსვ ეინდჰოვენის ღირსებას იცავდა, რომლის მაისურით ჩატარებულ 149 შეხვედრაში თავი 31-ჯერ გამოიჩინა.