კონფერენს ლიგაზე „დინამო თბილისთან“ გამარჯვების (3:2) შემდეგ „პაიდეს“ მთავარმა მწვრთნელმა კარელ ვოოლაიდმა პრესკონფერენციაზე კომენტარი გააკეთა. მისი თქმით, მოგების მიუხედავად, ჯერ გადაწყვეტილი არაფერია.

„მიუხედავად იმისა, რომ მოვიგეთ, არ ვფიქრობ, რომ ყველაფერი გადაწყდა. მითუმეტეს, სტუმრად გატანილი გოლის უპირატესობაც აღარ არსებობს. ამიტომ, ყველაფერი ესტონეთში გადაწყდება. ისეთი თამაში იყო, როგორსაც ველოდით. ჩვენი მიზანია, რომ საპასუხო შეხვედრაშიც გამარჯვებისთვის ბოლომდე ვიბრძოლო“, - თქვა ესტონელმა.

შეგახსენებთ, რომ „დინამო თბილისისა“ და „პაიდეს“ საპასუხო მატჩი 14 ივლისს გაიმართება.