მარსელის „ოლიმპიკს“ იგორ ტუდორი გაწვრთნის. ფრანგული მედიის ცნობით, მხარეებს შორის შეთანხმება მიღწეულია და ინფორმაცია მალე ოფიციალურად დადასტურდება.

44 წლის ხორვატი სპეციალისტი ხორხე სამპაოლის შეცვლის, რომელმაც „მარსელი“ რამდენიმე დღის წინ დატოვა.

იგორ ტუდორს სამწვრთნელო კარიერაში სპლიტის „ჰაიდუკში“, „პაოკში“, „კარაბუკსპორში“, „გალათასარაიში“, „უდინეზესა“ და „ვერონაში“ უმუშავია, ერთი სეზონის განმავლობაში კი „იუვენტუსში“ ანდრეა პირლოს ასისტენტი იყო.