ფრანგული მედია: პსჟ-დან პოჩეტინო გაათავისუფლეს

წყაროს თანახმად, ორკვირიანი მოლაპარაკებების შემდეგ მხარეებმა კომპენსაციის თანხაზე შეთანხმებას მიაღწიეს. არგენტინელი სპეციალისტი კლუბისგან 10 მილიონ ევროს მიიღებს. პოჩეტინოს კონტრაქტი 2023 წლამდე ჰქონდა გაფორმებული.

როგორც ცნობილია, პსჟ-ს კრისტოფ გალტიე ჩაიბარებს, რომელმაც „ნიცა“ დატოვა და პარიზულ კლუბთან შეთანხმებულია.

შეგახსენებთ, რომ მაურისიო პოჩეტინო „პარი სენ ჟერმენის“ მთავარ მწვრთნელად 2021 წლის იანვარში დაინიშნა.