ფეხბურთი

13:08 | 27.06.2022 | ნანახია [] - ჯერ

"რომას" და იტალიის ნაკრების ყოფილი ფეხბურთელი ვერონას მერი გახდა

იტალიის ნაკრებისა და „რომას“ ყოფილი ნახევარმცველი დამიანო ტომაზი ქალაქ ვერონას მერი გახდა. დამიანომ არჩევნებში ფედერიკო სბოარინა დაამარცხა.

ტომაზის ხმების 53.4% ერგო, ხოლო მისმა კონკურენტმა 46.6% მიიღო. ამრიგად, იტალიელი ფეხბურთელი ამიერიდან პოლიტიკაში იქნება. აღსანიშნავია, რომ ტომაზი პოლიტიკაში წასვლამდე იტალიის ფეხბურთელთა ასოციაციის პრეზიდენტი იყო და მოთამაშეების ინტერესებს იცავდა.

აღსანიშნავია, რომ დამიანო ტომაზი „ვერონას“ აკადემიაში გაიზარდა, მისი პირველი კლუბიც „ვერონა“ იყო, სადაც 1993-1996 წლებში თამაშობდა. შემდეგ 10 წლის განმავლობაში „რომას“ ღირსებას იცავდა, ხოლო კარიერის მიწურულს „ლევანტესა“ და ქპრ-ში ითამაშა. იტალიის ნაკრებში ტომაზიმ 1998-2003 წლებში 25 მატჩში 2 გოლი გაიტანა.

0.101659