„ლაიფციგმა“ კრისტოფერ ნკუნკუს კონტრაქტი 2026 წლის ზაფხულამდე გაუხანგრძლივა და ფეხბურთელი, რომლის მიმართ დიდი ინტერესი იყო, შეინარჩუნა.

განახლებული ხელშეკრულების თანახმად 24 წლის ფრანგი შემტევი სეზონში 7 მილიონ ევროს გამოიმუშავებს.

ნკუნკუმ კარიერა „პარი სენ ჟერმენში“ დაიწყო, რომლის მთავარ გუნდში 2015-2019 წლებში 78 მატჩში 11 გოლი გაიტანა. „ლაიფციგში“ კი 2019 წელს გადაბარგდა და 136 თამაშში თავი 57-ჯერ გამოიჩინა. განსაკუთრებით შთამბეჭდავად მან გასული სეზონი ჩაატარა, როცა 52 შეხვედრაში 35 გოლი გაიტანა.