გერმანიის ნაკრების ყოფილი ფეხბურთელი მიროსლავ კლოზე „ალტახის“ მთავარ მწვრთნელად დაინიშნა. ინფორმაცია ავსტრიული გუნდის ვებგვერდმა ოფიციალურად დაადასტურა.
კლოზე პირველად იმუშავებს მთავარი მწვრთნელის რანგში. მანამდე „მირო“ მიუნხენის „ბაიერნის“ 17-წლამდე გუნდში მუშაობდა, ასევე იყო ჰანს-დიტერ ფლიკის ასისტენტი მიუნხენურ გრანდში. აღსანიშნავია, რომ ფლიკს გერმანიის ნაკრების სამწვრთნელო შტაბშიც სურდა კლოზეს წაყვანა, მაგრამ ვეტერანმა გერმანელმა ფეხბურთელმა დამოუკიდებლად მუშაობის დაწყება გადაწყვიტა.
„ალტახი“ ავსტრიის ჩემპიონატის გასულ სეზონში მე-11 ადგილზე გავიდა და ბუნდესლიგაში ადგილი შეინარჩუნა.
