ფეხბურთი

20:14 | 13.06.2022 | ნანახია [] - ჯერ

ფლიკი: "ჩვენზე დიდი ზეწოლაა, მაგრამ მინდა შვებულებაში გამარჯვებით გავიდე"

უეფას ერთა ლიგის მეოთხე ტურში გერმანიის ნაკრები იტალიის ნაკრებს უმასპინძლებს. მატჩის წინ გერმანელთა მთავარმა მწვრთნელმა ჰანს-დიტერ ფლიკმა კომენტარი გააკეთა. როგორც მან აღნიშნა შვებულებაში გამარჯვებით გასვლა სურს.

„იტალია კარგად მუშაობს, კარგი გუნდი ჰყავთ და ვფიქრობ, რომ მანჩინის შეუძლია ძლიერი ნაკრების შექმნა. ადვილი არ იქნება, მაგრამ მინდა, რომ ფეხბურთელებმა ყველაფერი გაიღონ და შვებულებაში გამარჯვებით გავიდე. მსოფლიოს ჩემპიონატის გამო ჩვენზე უფრო მეტი ზეწოლაა, ვიდრე იტალიაზე, მაგრამ დარწმუნებული ვარ, რომ მოვუმატებთ“, - თქვა ფლიკმა.

შეგახსენებთ, რომ გერმანიის ნაკრების ბოლო ოთხი მატჩი ფრედ დასრულდა და ყველა ერთნაირი ანგარიშით - 1:1. აღსანიშნავია, რომ ფლიკის ხელმძღვანელობით „ბუნდესნაკრებმა“ 12-ჯერ ითამაშა და ჯერ არ დამარცხებულა (8 მოგება, 4 ფრე).

სამი ტურის შემდეგ ჯგუფს 5 ქულით იტალია ლიდერობს, უნგრეთს 4 ქულა აქვს, გერმანიას 3, ხოლო ინგლისს - 2.

0.114086