ერთა ლიგის მეოთხე ტურში საქართველოსა და ბულგარეთის მატჩზე დასასწრები ყველა ბილეთი გაყიდულია. ამის შესახებ ფეხბურთის ფედერაცია იტყობინება.

მიუხედავად იმისა, რომ მატჩამდე ორი დღეა დარჩენილი, ვილი სანიოლის გუნდის ბოლოდროინდელი შედეგებიდან გამომდინარე ანშლაგი და ასეთი აჟიოტაჟი გასაკვირი არაა.

შეგახსენებთ, საქართველოს ნაკრებს 8-მატჩიანი წაუგებელი სერია აქვს (7 მოგება, 1 ფრე), ერთა ლიგის C დივიზიონის მეოთხე ჯგუფს კი 9 ქულით ლიდერობს და პირველ ადგილზე გასვლასთან უკვე ძალიან ახლოსაა, რითაც მომდევნო ერთა ლიგაზე B ლიგაში თამაშის უფლებას მოიპოვებს და ევრო 2024-ის პლეი-ოფში გავა. საქართველოსა და ბულგარეთის მატჩი 12 ივნისს, „დინამო არენაზე“ 20:00 საათზე გაიმართება.