ნემანია მატიჩი კარიერას „რომაში“ გააგრძელებს. იტალიური მედიის ცნობით, ტრანსფერი უკვე გადაწყვეტილია და სერბი „ჯალოროსის“ შეუერთდება.

მატიჩი „რომასთან“ 1+1-წლიან კონტრაქტს გააფორმებს და რომაელებს თავისუფალი აგენტის სტატუსით შეუერთდება. აღსანიშნავია, რომ ნემანიას ჟოზე მოურინიოსთან მუშაობის გამოცდილება უკვე აქვს და სწორედ პორტუგალიელმა დაითანხმა ის ტრანსფერზე.

მატიჩმა „მანჩესტერი“ თავისუფალი აგენტის სტატუსით დატოვა. 33 წლის საყრდენ ნახევარმცველს „კოშიცეში“, „ჩელსიში“, „ბენფიკასა“ და „ვიტესში“ აქვს ნათამაშები.