სადიო მანეს „ლივერპულიდან“ შესაძლო წასვლაზე ბევრი საუბარია და დიდი შანსია, რომ მან ინგლისური გრანდი ზაფხულში დატოვოს.

აღსანიშნავია, რომ სენეგალში გამოკითხვა ჩატარდა და გამოკითხულთა 70%-ს სურს, რომ სადიომ „ლივერპული“ დატოვოს. ამაზე ფეხბურთელმა პრესკონფერენციაზე იხუმრა კიდეც და თქვა, რომ მათი სურვილისამებრ მოიქცევა.

„სენეგალელთა 60-70%-ს სურს, რომ „ლივერპულიდან“ წავიდე? მაშინ ამას გავაკეთებ, მოითმინეთ“, - თქვა მანემ.

შეგახსენებთ, სადიო მანეს ყველაზე აქტიურად მიუნხენის „ბაიერნს“ უკავშირებენ. მას „ლივერპულთან“ კონტრაქტი 2023 წლის ზაფხულამდე აკავშირებს.