ფეხბურთი

16:21 | 29.05.2022 | ნანახია [] - ჯერ

კაზემირო: "ამ სეზონში ყველაზე რთული პსჟ-სთან თამაში იყო, გვეგონა, რომ ვერ დავამარცხებდით"

მადრიდის „რეალის“ ნახევარმცველმა კაზემირომ ჩემპიონთა ლიგის ფინალის შემდეგ ისაუბრა. როგორც ბრაზილიელმა ფეხბურთელმა აღნიშნა, ყველაზე მეტად მიმდინარე სეზონში „პარი სენ ჟერმენთან“ გაუჭირდათ და ეგონათ, რომ ფრანგულ კლუბს ვერ გასცდებოდნენ.

„ფინალი დიდი მეტოქის წინააღმდეგ მოვიგეთ და ახლა მსოფლიოში ყველაზე ბედნიერი ფეხბურთელები ვართ. ყველაზე მეტად პსჟ-სთან გაგვიჭირდა. განსაკუთრებით პირველ მატჩში გვქონდა განცდა, რომ მათი გაგდება შეუძლებელი იქნებოდა. შემდეგ ბენზემამ 3 გოლი გაიტანა და მომდევნო ეტაპზე გავედით.

ანჩელოტი ნამდვილი ჯენტლმენია, მას დიდ პატივს ვცემთ, რადგან ბევრი იცის ფეხბურთის შესახებ და როდესაც საუბრობს, ყურადღებით ვუსმენთ. მადლობა უნდა გადავუხადოთ მას და მის თანამშრომლებს“, - თქვა კაზემირომ.

შეგახსენებთ, მადრიდის „რეალმა“ „ლივერპული“ ვინისიუს ჟუნიორის გოლით დაამარცხა და ჩემპიონთა ლიგა მე-14-ედ მოიგო.

სარეკლამო ადგილი - 23
250 x 500
0.112823