ქუთაისის „ტორპედოს“ კახა ჩხეტიანი გაწვრთნის. გამოცდილი სპეციალისტის დაბრუნება იმერული კლუბის ვებგვერდმა ოფიციალურად დაადასტურა.
ჩხეტიანმა „ტორპედოში“ პირველი ვარჯიში უკვე ჩაატარა, ჟურნალისტების წინაშე კი მას დღეს წარადგენენ.
კახა ჩხეტიანი „ტორპედოს“ ძალიან კარგად იცნობს და მშობლიურ გუნდს ორჯერ უკვე წვრთნიდა. პირველად მან გუნდი 2016 წლის სექტემბერში ჩაიბარა და 2017 წელს საქართველოს ჩემპიონი გახდა, მოგვიანებით კი კლუბს საქართველოს თასი და ორჯერ საქართველოს სუპერთასი მოაგებინა. გარდა ამისა, კახამ „ტორპედო“ ევროპა ლიგის პლეი-ოფშიც გაიყვანა. მეორედ ჩხეტიანი „ტორპედოში“ 2021 წლის ივნისიდან ნოემბრამდე მუშაობდა.
შეგახსენებთ, რომ ქუთაისის „ტორპედო“ საქართველოს ჩემპიონატში 15 ტურის შემდეგ 15 ქულით პლეი-აუტის ზონაში, მერვე ადგილზეა.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია