ვარშავის „ლეგია“ „დინამო ბათუმისა“ და საქართველოს ნაკრების მეკარის, ლაზარე კუპატაძის გადაბირებას გეგმავს.
პოლონური მედიის ცნობით, ვარშაველები კუპატაძეს ვეტერანი მეკარის, არტურ ბორუცის შემცვლელად განიხილავენ, რომელიც სეზონის ბოლოს კარიერის დასრულებას აპირებს.
„ლეგიაში“ დარჩენას გეგმავენ ამჟამინდელი მეორე და მესამე მეკარეები, მაგრამ კლუბი 26 წლის ქართველითაც ინტერესდება.
ლაზარე კუპატაძე 2021 წლის იანვრიდან „დინამო ბათუმის“ ღირსებას იცავს, მანამდე მან კარიერის დიდი ნაწილი თბილისის „საბურთალოში“ გაატარა, საქართველოს ეროვნულ ნაკრებში კი ორი მატჩი აქვს ჩატარებული.
