„მანჩესტერ იუნაიტედის“ ყოფილი მცველი, ამჟამად კი საფეხბურთო ექსპერტი, რიო ფერდინანდი, ჟურნალისტებს გუნდში კრიშტიანუ რონალდუს განსხვავებული როლის შესახებ ესაუბრა, ახალი მთავარი მწვრთნელის, ერიკ ტენ ჰაგის ხელმძღვანელობის პირობებში.

„დარწმუნებული ვარ, კრიშტიანუ მომავალ სეზონშიც დარჩება „მანჩესტერში.“ თუმცა მისი როლი შეიცვლება - ის არა მხოლოდ მინდორზე ეცდება კვალის დატოვებას, არამედ მნიშვნელოვანი მისია დაეკისრება კლუბის კულტურის ახლებურად გადაფასებისა და ახალგაზრდების დახმარების კუთხით.

ახალი მწვრთნელი თავისი იდეების განხორციელებას კონკრეტულ მოთამაშეებზე დაყრდნობით შეეცდება და მათში უპირველესი კრიშტიანუ იქნება, რადგან მას ძლიერი ხასიათი აქვს, შეუპოვარი და ჟინიანია. თანაც ამბობს, რომ ძალიან უნდა ტენ ჰაგმა „მანჩესტერში“ წარმატებას მიაღწიოს.“ - ციტირებს ფერდინანდის სიტყვებს Daily Mail.