საქართველოს ნაკრებისა და „ზირას“ თავდამსხმელი დავით ვოლკოვი დიდი ალბათობით, კარიერას პოლონეთში გააგრძელებს.

როგორც Azerisport-ი წერს, ვოლკოვი ზაფხულში გდანსკის „ლეხიას“ ფეხბურთელი გახდება. მხარეებს შორის ყველანაირი დეტალი პრაქტიკულად შეთანხმებულია.

დავით ვოლკოვმა მიმდინარე სეზონში აზერბაიჯანის ჩემპიონატში 26 მატჩში 11 გოლი გაიტანა და 6 საგოლე პასი გააკეთა და ბომბარდირის ტიტულისთვის იბრძვის. მას საქართველოს ნაკრებში 4 შეხვედრაში 1 გოლი აქვს გატანილი.

„ლეხია“ პოლონეთის ექსტრაკლასაში სეზონის დასრულებამდე ერთი ტურით ადრე 57 ქულით მეოთხე ადგილზეა და ეს პოზიცია უკვე განაღდებული აქვს.