სხვა

1:40 | 14.05.2022 | ნანახია [] - ჯერ

მეივეზერის საჩვენებელი ბრძოლა ჩაიშალა

ფლოიდ მეივეზერის და მისი ყოფილი სპარინგ პარტნიორის, დონ მურის საჩვენებელი ბრძოლა, რომელიც დუბაიში, ამ შაბათს უნდა გამართულიყო, აღარ ჩატარდება. ამის მიზეზი, არაბეთის გაერთიანებული საემიროების პრეზიდენტ შეიხ ხალიფა ბინ ზაიედ ალ ნაჰიანის გარდაცვალებაა.

პრეზიდენტის სიკვდლის გამო, საემიროებში 40-დღიანი გლოვა გამოცხადდა. ამ პერიოდში, დროშები სანახევროდ დაეშვება და ყველა საზოგადოებრივ და კერძო სექტორის ორგანიზაციებში, მუშაობა შეწყდება. შესაბამისად, გაუქმდა სპორტული და სხვა სახის ღონისძიებები.

მეივეზერმა პროფესიონალი მოკრივის კარიერა 2015 წელს დაასრულა. თუმცა, ორი წლის შემდეგ დაბრუნდა, რათა კონორ მაკგრეგორი დაემარცხებინა. მას 50 ბრძოლა აქვს გამართული და ყველა მოიგო. გასულ ივნისში მან საჩვენებელი ბრძლა ჩაატარა იუთუბერ ლოგან პოლთან და ფრეს დასჯერდა.

ამერიკელი დონ მური იმითაა ცნობილი, რომ მეივეზერს სპარინგ პარტნიორობას უწევდა. თავად პროფესიონალურ კარიერაში 18 გამარჯვება აქვს მოპოვებული, მათგან 12 ნოკაუტით.

0.111751