მიუნხენის „ბაიერნი“ ზაფხულის სატრანსფერო პერიოდში შეტევის ხაზის გაძლიერების ვარიანტებს განიხილავს.

Sky Sport Deutschland-ის ინფორმაციით, მიუნხენელები „ლივერპულის“ გარემარბის, სადიო მანეს ტრანსფერით დაინტერესდნენ.

აღსანიშნავია, რომ სენეგალელ შემტევს ინგლისურ გრანდთან კონტრაქტი 2023 წელს ეწურება, ჯერჯერობით მის განახლებაზე მხარეებს არ უსაუბრიათ, რამაც შესაძლოა, გერმანიაში მის ტრანსფერს ხელი შეუწყოს. ჯერჯერობით სხვა დეტალები უცნობია.

აქვე გეტყვით, რომ მიმდინარე სეზონში სადიო მანემ ყველა ტურნირზე 46 მატჩი ჩაატარა, 20 გოლი გაიტანა და 2 საგოლე პასი გააკეთა.