ამსტერდამის „აიაქსის“ ყოფილი ფეხბურთელი ჯოდი ლუკოკი 29 წლის ასაკში გარდაიცვალა. ინფორმაციას ნიდერლანდური მედია ავრცელებს, მაგრამ გარდაცვალების მიზეზი უცნობია.

კონგოელმა ფეხბურთელმა „აიაქსში“ დაიწყო და 2010-2013 წლებში 39 შეხვედრაში 5 გოლი გაიტანა. შემდეგ მან „კამბურის“, „ცვოლესა“ და „ლუდოგორეცის“ რიგებში ითამაშა, ბულგარული გუნდის რიგებში 2015-2020 წლებში ლუკოკიმ 157 თამაშში 30 გოლი გაიტანა.

2021 წლის ზაფხულში მან კარიერა „ტვენტეში“ გააგრძელა, თუმცა, ენსხედელებთან კონტრაქტი თებერვალში გაწყვიტა.