საქართველოს ეროვნული ლიგის მე-12 ტურში ქუთაისის „ტორპედომ“ უმაყურებლოდ თბილისის „საბურთალოს“ უმასპინძლა და მორიგი, ზედიზედ მეოთხე მარცხი განიცადა.
მატჩი დაძაბული გამოდგა და მისი ბედი ერთადერთმა გოლმა გადაწყვიტა, რომელიც საფინალო სასტვენამდე 4 წუთით ადრე ლაშა შინდაგორიძემ გაიტანა და საბურთალოელებმა მნიშვნელოვანი გამარჯვება მოიპოვეს.
„საბურთალომ“ ამ გამარჯვებით 21 ქულა დააგროვა, სატურნირო ცხრილში მეოთხე ადგილზეა და მომდევნო ტურში 12 მაისს, „დინამო ბათუმს“ შეხვდება, ხოლო „ტორპედო“ 11 ქულით მერვე ადგილზეა და 13 მაისს, თბილისის „ლოკომოტივს“ ესტუმრება.
„ტორპედო“ – „საბურთალო“ 0:1 (0:0)
გოლი: 0:1 შინდაგორიძე (86)
