საფრანგეთის ნაკრების ყოფილმა ფეხბურთელმა პატრის ევრამ მძიმე ბავშვობაზე ისაუბრა. როგორც მან განაცხადა, 13 წლის იყო, როცა ნარკოტიკებს ყიდდა და მოწყალებას ითხოვდა.

„ფეხბურთის თამაშამდე სამ რაღაცას ვაკეთებდი - ნარკოტიკებს ვყიდდი, მაღაზიების წინ მოწყალებას ვითხოვდი და ტელევიზორების მაღაზიაში ვმუშაობდი. ამ სამი საქმიდან, მხოლოდ ერთი არ შეესაბამება სიმართლეს - ტელევიზორი არასდროს გამიყიდია. 13 წლის ვიყავი, მაღაზიების წინ მოწყალების თხოვნა ჩემთვის ნორმალური იყო. ხანდახან შუაღამისას ცივ ბიგ-მაკებს ნაგვის ურნიდან ვიღებდი და ვჭამდი. ფეხბურთმა გადამარჩინა.

როცა მამამ დაგვტოვა, სრული ქაოსი დაიწყო. 17 წლის ვიყავი იტალიაში რომ ჩავედი. მახსოვს ცხელი საჭმელი მომიტანეს და სპორტული ტანსაცმელი მაჩუქეს. დედას დავურეკე და ვუთხარი, რომ სამოთხეში ვიყავი. 13 წლის ასაკში სექსუალურმა ძალადობამ ჩემს ცხოვრებაზე მძიმე გავლენა მოახდინა. საკუთარი თავის მრცხვენოდა, ამ დროს არავის ენდობი“, - თქვა ევრამ.

შეგახსენებთ, რომ პატრის ევრა იტალიაში 1999 წელს მოხვდა, როდესაც „მონცაში“ თამაშობდა. მან შემდეგ „ნიცაში“, „მონაკოში“, „მანჩესტერში“, „იუვენტუსში“, „მარსელსა“ და „ვესტ ჰემში“ ითამაშა.