„ნაპოლის“ პრეზიდენტმა აურელიო დე ლაურენტისმა ხვიჩა კვარაცხელიას ტრანსფერი ოფიციალურად დაადასტურა. ქართველი ფეხბურთელის შესახებ კომენტარი ლეგენდარულმა იტალიელმა მწვრთნელმა ფაბიო კაპელომ გააკეთა, რომელმაც თქვა, რომ ის არ იცნობს კვარაცხელიას თამაშს, მაგრამ „ნაპოლიმ“ თუ შეიძინა, ეს ნიშნავს, რომ კარგი ფეხბურთელია.

„არა, კვარაცხელიას შესახებ არაფერი ვიცი. მისი თამაში არ მინახავს, რადგან იტალიაში შეუძლებელია რუსეთის ან საქართველოს ჩემპიონატის ყურება. თუმცა, ერთი რამ მინდა ვთქვა: თუ „ნაპოლი“ ფეხბურთელს იყიდის, მაშინ ის ნამდვილად მაგარია“, - თქვა კაპელომ რუსულ მედიასთან.

შეგახსენებთ, რომ ფაბიო კაპელო რუსეთის ნაკრებს ოთხი წლის განმავლობაში წვრთნიდა. ხვიჩა კვარაცხელია „ნაპოლის“ ზაფხულში შეუერთდება და გუნდთან 5-წლიან კონტრაქტს გააფორმებს.