„მანჩესტერ სიტისთან“ პირველი ნახევარფინალური მატჩის წინ, მადრიდის „რეალის“ მთავარმა მწვრთნელმა, კარლო ანჩელოტიმ, ჟურნალისტებს თავისი აზრი გაუზიარა.
„წნეხი ორივე გუნდისთვის თანაბარია. ვეცდებით თავი უკეთ წარმოვაჩინოთ. „რეალისთვის“ ნახევარფინალში თამაში წარმატება არ არის. წარმატება ფინალში გასვლა იქნება. მაგრამ ამისათვის ჯერ „სიტის“ დამარცხებაა საჭირო.“ - ციტირებს იტალიელი სპეციალისტის სიტყვებს უეფას ოფიციალური ვებ-გვერდი.
„სიტი“ – „რეალის“ მატჩი დღეს, 26 აპრილს გაიმართება მანჩესტერში და თბილისის დროით 23 საათზე დაიწყება.
