მადრიდის „რეალი“ გერმანიის ნაკრებისა და ლონდონის „ჩელსის“ მცველ ანტონიო რიუდიგერს დაიმატებს.

ესპანური მედიის ცნობით, მხარეებს შორის შეთანხმება პრაქტიკულად მიღწეულია. რიუდიგერისთვის „რეალს“ უკვე მზად აქვს 4-წლიანი კონტრაქტი და 29 წლის ფეხბურთელს 1 ივლისიდან თავისუფალი აგენტის სტატუსით დაიმატებს.

რიუდიგერი „ჩელსისთან“ კონტრაქტს რომ არ განაახლებს, უკვე დაადასტურა ტომას ტუხელმაც, რომელმაც აღნიშნა, რომ კლუბიდან წასვლის სურვილი თავად გერმანელმა გამოხატა.

შეგახსენებთ, ანტონიო რიუდიგერმა კარიერა „შტუტგარტში“ დაიწყო, 2015-2017 წლებში „რომაში“ ითამაშა, ხოლო 2017 წლიდან დღემდე „ჩელსის“ მაისურით ჩატარებულ 196 მატჩში 12 გოლი გაიტანა.