ცნობილმა იტალიურმა პორტალმა, Tuttomercatoweb-მა დღეს, 5 აპრილს, დაწერა, რომ ქართველი ფეხბურთელი, ხვიჩა კვარაცხელია, მალე ნეაპოლურ კლუბთან ხუთწლიან კონტრაქტს გააფორმებს. უახლოესი კვირები მნიშვნელოვანი იქნება, თუმცა მოლაპარაკებები სწრაფად და წარმატებით მიმდინარეობს. ასე რომ, ხვიჩა „ნაპოლისთან“ უკვე ძალიან ახლოსაა.

პორტალი ასევე აღნიშნავს, რომ ნეაპოლელებმა ქართველის ტრანსფერში „რომას“ და „სასუოლოს“ დაასწრეს.

ცოტა გაუგებარია წინადადება - კვარაცხელია ყაზანის „რუბინს“ ეკუთვნისო... ასევე „იჯარა“ უწერია პორტალ Transfermarkt-საც.

ბათუმის „დინამოს" სპორტულმა დირექტორმა, ლადო დვალიშვილმა კი ამას წინათ განაცხადა: „ხვიჩა კვარაცხელიამ „რუბინთან" კონტრაქტი გაწყვიტა და ბათუმის „დინამოსთან" ორწლიანი ხელშეკრულება გააფორმაო...