„პარი სენ ჟერმენის“ მთავარმა მწვრთნელმა მაურისიო პოჩეტინომ განაცხადა, რომ კლუბის ხელმძღვანელობასთან თავის მომავალზე ჯერ არ უსაუბრია. ის ფიქრობს, რომ გადაწყვეტილების მიღებამდე ორივე მხარემ სიტუაცია უნდა გაანალიზოს.
„პსჟ-სთან კონტრაქტი კიდევ ერთი წელი მაკავშირებს. ჩემი მომავლის შესახებ კლუბის ხელმძღვანელობასთან ჯერ არ მისაუბრია. ვფიქრობ, რაიმე გადაწყვეტილების მიღებამდე უნდა გავაანალიზოთ და განვიხილოთ სიტუაცია“, - თქვა პოჩეტინომ.
შეგახსენებთ, „პარი სენ ჟერმენი“ საფრანგეთის ლიგა 1-ს ძალიან დიდი უპირატესობით ლიდერობს, მაგრამ ჩემპიონთა ლიგას მერვედფინალურ ეტაპზე გამოეთიშა, რის გამოც დიდი შანსია, რომ არგენტინელი სპეციალისტი სეზონის ბოლოს დაითხოვონ.
