„იუვენტუსის“ თავდამსხმელი, პაულო დიბალა, „ბარსელონას“ ინტერესთა სფეროში მოექცა. ფორვარდი, შესაძლოა, ამ ზაფხულს კატალონიურ კლუბში თავისუფალი აგენტის სტატუსით გადავიდეს - გვამცნობს Mundo Deportivo.

მოგეხსენებათ, „ბარსელონა“ ფინანსურ სიძნელეებს განიცდის და ცდილობს ფეხბურთელები უფასოდ დაიმატოს. დიბალას შემთხვევა კი სწორედ ასეთია. კატალონიელები უკვე სწავლობენ არგენტინელის კონტრაქტის დეტალებს.

ცნობისთვს, დიბალას „იუვენტუსიდან“ წამოსვლის მიზეზიც ფულია. ტურინულმა კლუბმა ახალი კონტრაქტის თანახმად მას წელიწადში ჯამაგირად 6-7 მილიონი ევრო შესთავაზა. არგენტინელმა კი 11 მილიონი მოითხოვა. ვერ შეთანხმდნენ.

მის არსებულ კონტრაქტს ვადა 2022 წლის 30 ივნისს ეწურება.