სხვა

12:51 | 24.03.2022 | ნანახია [] - ჯერ

შედეგი ვერ გააუმჯობესა - ტოჩინოშინი ტობიზარუსთან დამარცხდა (+VIDEO)

ქართველმა სუმოისტმა დადებითი ბალანსი კი მოიპოვა, თუმცა დღეს შედეგის გაუმჯობესების შანსი ჰქონდა, რომელიც ვერ გამოიყენა. ოსაკაში მიმდინარე ჰარუ ბაშოზე ტოჩინოშინი მე-9 მაეგაშირა ტობიზარუს შეხვდა, რომელსაც გამარჯვება ძალიან სჭირდებოდა და ასეც მოხდა. მან დღეს მე-6 გამარჯვება მიითვალა და დადებითი ბალანსისთვის ბრძოლას აგრძელებს.

ჩვენებურმა იაპონელ მეტოქესთან დაპირისპირება ყველა ასპექტში დათმო და რამდენიმე წამში დოჰიოზე ჰატაკიკომის ილეთით დაეცა. ეს ლევანისთვის პრინციპული ბრძოლა იყო, რადგან გამარჯვების შემთხვევაში ურთიერთშეხვედრებში ბალანსის გათანაბრება შეეძლო. ახლა კი ტობიზარუს 4 შეხვედრიდან 3 მოგება და 1 მარცხი აქვს და წინ გაიჭრა.

ტოჩინოშინს ამ მარცხით არაფერი დააკლდება. მას წლის მეორე სუპერტურნირზე 8 გამარჯვების საპირისპიროდ 4 მარცხი აქვს, დარჩენილი ბრძოლები კი მხოლოდ შედეგის გასაუმჯობესებლად უნდა გამოიყენოს.

ხვალ ქართველი გოლიათი მე-4 მაეგაშირა კირიბაიამას შეხვდება, რომელსაც მარტის ბაშოზე 7:4-ზე ბალანსი აქვს და გამარჯვება სჭირდება. გორგაძესთან ურთიერთშეხვედრებში კი სრული თანაფარდობაა - 3:3-ზე.

სარეკლამო ადგილი - 23
250 x 500
სარეკლამო ადგილი - 14
120 x 600
0.117139