კატალონიის „ბარსელონას“ პრეზიდენტის ჟოან ლაპორტას მრჩეველმა ენრიკ მასიპმა „ბლაუგრანაში“ ერლინგ ჰოლანდის ტრანსფერი და ლიონელ მესის დაბრუნება არ გამორიცხა.
როგორც მან თქვა, ეს რთული ოპერაციები იქნება, თუმცა არ შეუძლებელი. მთავარია, რომ მანამდე „ბარსელონამ“ რამდენიმე ფეხბურთელი გაყიდოს.
„ჰოლანდის ტრანსფერი რთული იქნება, მაგრამ არა შეუძლებელი. ბევრი რამეა დასაკმაყოფილებელი, თუმცა ყველაზე მნიშვნელოვანი ერთი საკითხია: კლუბმა ტრანსფერებამდე რამდენიმე ფეხბურთელი უნდა გაყიდოს. მესის დაბრუნება? როგორც ჰოლანდის შემთხვევაში ვთქვი, შეუძლებელი არაფერია, მაგრამ შემიძლია ვთქვა, რომ ამ დროისთვის მხარეებს შორის კონტაქტები არ ყოფილა“, - თქვა მასიპმა.
