„იუვენტუსის“ მთავარმა მწვრთნელმა მასიმილიანო ალეგრიმ პაულო დიბალაზე ისაუბრა და განაცხადა, რომ არ იცის, დარჩება თუ არა, არგენტინელი ფეხბურთელი გუნდში.

დიბალას „იუვესთან“ კონტრაქტი სეზონის ბოლოს ეწურება და ჯერჯერობით, მხარეებს შეთანხმებისთვის არ მიუღწევიათ.

დიბალასთან კარგი ურთიერთობა მაქვს, როგორც ყველა მოთამაშესთან, მაგრამ მე ძალიან პირდაპირი ადამიანი ვარ. ის აქ პალერმოდან რომ ჩამოვიდა, ბავშვი იყო და ახლა დიდი ფეხბურთელია, მასთან არანაირი პრობლემა არ მაქვს. დარჩება? არ ვიცი, მის გარდა, დე შილიოს, ბერნარდესკის, კუადრადოს და პერინსაც ეწურებათ კონტრაქტები. ახლა მხოლოდ სეზონზე ვფიქრობთ“, - თქვა ალეგრიმ.

შეგახსენებთ, პაულო დიბალა „იუვენტუსში“ 2015 წლიდან თამაშობს. დღეს „იუვენტუსმა“ „სალერნიტანა“ 2:0 დაამარცხა და არგენტინელმა შემტევმა გოლი გაიტანა.