ესპანეთის ეროვნული ნაკრების მთავარმა მწვრთნელმა ლუის ენრიკემ მარტის ბოლო კვირაში გასამართი ორი ამხანაგური მატჩისთვის გაფართოებული 23-კაციანი შემადგენლობა დაასახელა. "ფურია როხა" 26 მარტს ალბანეთს დაუპირისპირდება, ხოლო 29-ში - ისლანდიას.

ესპანეთის ეროვნული ნაკრების ტვიტერის გვერდის ინფორმაციით, ენრიკეს რჩეულთა სია შემდეგნაირად გამოიყურება:

მეკარეები: უნაი სიმონი ("ბილბაი"), რობერტ სანჩესი ("ბრაიტონი"), დავიდ რაია ("ბრენტფორდი");

მცველები: მარკოს ალონსო ("ჩელსი"), ჟორდი ალბა ("ბარსელონა"), აიმერიკ ლაპორტე "მანჩესტერ სიტი"), პაუ ტორესი ("ვილიარეალი"), ერიკ გარსია ("ბარსელონა"), დიეგო ლიორენტე ("ლიდსი"), სესარ ასპილიკუეტა ("ჩელსი"), დანი კარვახალი ("რეალი");

ნახევარმცველები: როდრი ("მანჩეტერ სიტი"), კოკე ("ატლეტიკო"), პედრი ("ბარსელონა"), მარკოს ლიორენტე ("ატლეტიკო"), გავი ("ბარსელონა"), კარლოს სოლერი ("ვალენსია");

თავდამსხმელები: დანი ოლმო ("ლაიპციგი"), პაბლო სარაბია ("სპორტინგი"), ალვარო მორატა "იუვენტუსი"), რაულ დე ტომასი ("ესპანიოლი"), ფერან ტორესი ("ბარსელონა"), იერემი პინო ("ვილიარეალი").