„მანჩესტერ იუნაიტედის“ დიდვარსკვლავმა, კრიშტიანუ რონალდუმ, ჟურნალისტებს მადრიდის „ატლეტიკოსთან“ ჩემპიონთა ლიგის საპასუხო მერვედფინალური მატჩის წინ, თავისი აზრი გაუზიარა.

„ეს კიდევ ერთი ისეთი დღეა, რომელსაც დიდ ხანს ველოდით. კიდევ ერთი შანსი იმისა, მთელ მსოფლიოს დავანახოთ, რომ „ოლდ ტრაფორდს“ ტყუილად არ უწოდებენ „ოცნების თეატრს.“

მოდით, ისევ შევქმნათ ისეთი დიდებული ატმოსფერო, როგორიც ბოლო საშინაო მატჩის დროს იყო და შევინაჩუნოთ ჩვენი ჩემპიონთალიგური ოცნება.

ჩვენ „მანჩესტერ იუნაიტედი“ ვართ. წინ „ეშმაკუნებო!“ - დაწერა პორტუგალიელმა ინსტაგრამზე.

„მანჩესტერ“ – „ატლეტიკოს“ საპასუხო მერვდფინალური შეხვედრა (პირველი მატჩი - 1:1) დღეს, 15 მარტს გაიმართება მანჩესტერში და თბილისის დროით ღამის 12 საათზე დაიწყება.