თურქული „ადანა დემირსპორის“ ფეხბურთელმა მარიო ბალოტელიმ განაცხადა, რომ ლიონელ მესის და კრიშტიანუ რონალდუს ვერ შეედრება, მაგრამ მხოლოდ საფეხბურთო ნიჭით მათ დონეზე დგას.
იტალიელმა თავდამსხმელმა ამის შესახებ The Athletic-თან საუბარში განაცხადა და თქვა, რომ მაღალ დონეზე თამაშის რამდენიმე შესაძლებლობა გაანიავა.
„ხელიდან გავუშვი რამდენიმე შესაძლებლობა, რომ მესის და რონალდუს დონეზე ვყოფილიყავი, მაგრამ 100%-ით დარწმუნებული ვარ, რომ ნიჭით იმავე დონეზე ვარ, როგორც ისინი. რამდენიმე შანსი გავანიავე, გესმით? ეს ხდება, დღეისთვის ვერ ვიტყვი, რომ რონალდუსავით კარგი ვარ, რადგან „ოქროს ბურთი“ ხუთჯერ მოიგო, მესის და რონალდუს თავს ვერ შევადარებ, ვერავინ შეძლებს ამას, მაგრამ თუ მხოლოდ საფეხბურთო ნიჭზე ვსაუბრობთ, სიმართლე გითხრათ, მათი არაფერი მშურს“, - თქვა ბალოტელიმ.
