ინგლისური „მანჩესტერ სიტის“ მთავარმა მწვრთნელმა პეპ გვარდიოლამ ოლექსანდრ ზინჩენკოს შესახებ ისაუბრა და თქვა, რომ ის წარმოუდგენლად ძლიერი ბიჭია.
„თქვენს ქვეყანაში რომ უდანაშაულო ხალხი იხოცებოდეს, თავს როგორ იგრძნობდით? ასეა ზინჩენკოც. მას ყველა ვესაუბრეთ, მათ შორის მეც. ჩვენ ამ სამყაროში ვცხოვრობთ. ის წარმოუდგენლად ძლიერი ბიჭი და შესანიშნავი ადამიანია. რა თქმა უნდა, მისთვის ახლა ეს საკითხი ყველაზე მნიშვნელოვანია, მაგრამ გუშინ და დღეს კარგად ივარჯიშა, მზადაა ითამაშოს ისე, როგორც საჭიროა“, - თქვა გვარდიოლამ.
შეგახსენებთ, რომ ოლექსანდრ ზინჩენკომ სოციალური ქსელის სთორიში თბილისში შეკრებილი ადამიანების ფოტო გამოაქვეყნა, რომლებმაც უკრაინას მხარი დაუჭირეს და „მანჩესტერ სიტის“ ფეხბურთელმა მათ მადლობა გადაუხადა.
