დიდი ბრიტანეთის საგარეო საქმეთა მინისტრმა ლიზ ტრასმა ინგლისურ კლუბებს მოუწოდა, რომ ჩემპიონთა ლიგის ფინალს, რომელიც სანქტ-პეტერბურგში უნდა გაიმართოს, ბოიკოტი გამოუცხადონ.
„ინგლისურმა კლუბებმა რუსეთში ჩემპიონთა ლიგის ფინალს ბოიკოტი უნდა გამოუცხადონ. მათ ადგილას რომ ვიყო, ბოიკოტს გამოვაცხადებდი. პირადად მე არ ვისურვებდი მონაწილეობა მიმეღო სანქტ-პეტერბურგში გასამართ მატჩში, იმის გათვალისწინებით, თუ რას აკეთებს პუტინის რეჟიმი“, - თქვა ტრასმა.
შეგახსენებთ, რომ მანამდე უეფას პრემიერმინისტრმა ბორის ჯონსონმა მოუწოდა, რომ რუსეთს ჩემპიონთა ლიგის მასპინძლობის უფლება ჩამოართვან. სანქტ-პეტერბურგში ჩემპიონთა ლიგის ფინალი 28 მაისს უნდა გაიმართოს.
