ინგლისის პრემიერლიგის 24-ე ტურში ლონდონის „ტოტენჰემმა“ „მანჩესტერ სიტი“ სტუმრად 3:2 დაამარცხა და ზედიზედ სამმატჩიანი წაგებების სერია შეწყვიტა. მატჩის შემდეგ „დეზების“ მთავარმა მწვრთნელმა ანტონიო კონტემ კომენტარი გააკეთა და თქვა, რომ ცუდი სერიის შემდეგ ასეთი რეაქცია ძალიან მნიშვნელოვანი იყო.

„ნამდვილად საინტერესო და ემოციური თამაში იყო. კარგი მატჩი ჩავატარეთ, ვიცოდით, რომ „მანჩესტერ სიტი“ ბურთს 65-70 წუთის განმავლობაში შეინარჩუნებდა, ამიტომ ტაქტიკურად კარგად უნდა გვეთამაშა. ფანტასტიკური გუნდის წინააღმდეგ სამი გოლი გავიტანეთ და კარგი მომენტები შევქმენით. წაგება მძულს და ჩვენი რეაქცია მნიშვნელოვანი იყო.

კეინი? ჩვენთვის მნიშვნელოვანი ფეხბურთელია. ბურთს კარგად იჭერდა და ბევრი საგოლე მომენტი შექმნა. ერთი გამარჯვება საკმარისი არ არის, არ დაგავიწყდეთ, რომ ზედიზედ სამი წაგება გვქონდა, მაგრამ რა თქმა უნდა, „სიტის“ დამარცხება შესანიშნავია და ეს თავდაჯერებას შეგვმატებს", - თქვა კონტემ.

შეგახსენებთ, „ტოტენჰემს“ „სიტისთან“ გამარჯვებამდე ბოლო სამი მატჩი წაგებული ჰქონდა. იტალიელი სპეციალისტის გუნდი 39 ქულით მეშვიდე ადგილზეა.