ნიკოლოზ ბასილაშვილი დოჰას ტურნირის წყვილთა თანრიგში ჩაერთო და გამარჯვება მოიპოვა. ქართველმა ჩოგბურთელმა ესპანელ ალეხანდრო დავიდოვიჩ ფოკინასთან ერთად ფინელი ემილ რუუსევუორისა და შვედი ელიას იმერის დუეტი დაამარცხა.

შეხვედრა ორი სეტში დასრულდა - 6:1, 7:5. შედეგად, ნიკოლოზმა 10-მატჩიანი წაგებების სერია შეწყვიტა. მას მიჯრით 8 მატჩი აქვს ერთეულებში წაგებული, ზედიზედ ორი კი წყვილებს შორის ჰქონდა.

მეოთხედფინალში ბასილაშვილისა და ფოკინას მეტოქე მოგვიანებით გაირკვევა. აქვე გეტყვით, რომ ჯერჯერობით უცნობია, ვის წინააღმდეგ ითამაშებს ქართველი ჩოგბურთელი ერთეულთა თანრიგში.