„პარი სენ ჟერმენის“ ფეხბურთელმა ნეიმარმა მადრიდის „რეალთან“ მატჩის წინ გუნდთან ერთად ივარჯიშა. ამის შესახებ ინფორმაციას RMC Sport-ი ავრცელებს.

წყაროს თანახმად, 30 წლის თავდამსხმელი „სამეფო კლუბთან“ მატჩისთვის განაცხადში მოხვდება.

ბრაზილიელს ტერფის ტრავმის გამო 28 ნოემბრის შემდეგ არ უთამაშია, როდესაც ლიგა 1-ის მე-15 ტურში „სენტ ეტიენთან“ დაშავდა. მიმდინარე სეზონში ნეიმარმა ფრანგული გუნდის მაისურით 14 მატჩი ჩაატარა, 3 გოლი გაიტანა და 3 საგოლე პასი გააკეთა.

შეგახსენებთ, რომ „პარი სენ ჟერმენისა“ და მადრიდის „რეალის“ მატჩი 15 თებერვალს გაიმართება.