საქართველოს 19-წლამდე ნაკრები შეკრებაზე ისრაელში იმყოფება, სადაც ადგილობრივ ნაკრებთან ამხანაგური მატჩი გამართა.

ვასილ მაისურაძის გუნდმა მასპინძელთა ძლევა დაძაბულ ბრძოლაში 3:2 დაამარცხა. მატჩის გმირი 18 წლის ლუკა წულუკიძე გამოდგა, რომელმაც ჰეთ-თრიქი შეასრულა.

„საბურთალოსა“ და საქართველოს 19-წლამდე ნაკრების შემტევმა ანგარიში პირველივე წუთზე გახსნა, ხოლო შემდეგ ორი გოლი ისრაელის ნაკრებმა გაიტანა და დაწინაურდა. მეორე ნახევარში მასპინძლებმა წულუკიძის შეჩერება ვეღარ მოახერხეს, მან 61-ე და 77-ე წუთებზე გამოიჩინა თავი და საქართველომ 3:2 მოიგო.

აქვე გეტყვით, რომ საქართველოს 19-წლამდე ნაკრები ისრაელის შესაბამის ასაკობრივ ნაკრებს 13 თებერვალს კიდევ ერთხელ გაეჯიბრება.

ისრაელი - საქართველო 2:3 (2:1)

გოლები: 0:1 წულუკიძე (1), 1:1 გენისი (19), 2:1 ლუგასი (21), 2:2 წულუკიძე (61), 2:3 წულუკიძე (77)