საქართველოს მოქმედმა ჩემპიონმა „დინამო ბათუმმა“ განელი ცენტრალური მცველი აბრაჰამ ფრიმპონგი დაიმატა. ინფორმაცია აჭარული გუნდის ვებგვერდმა ოფიციალურად დაადასტურა.

როგორც კლუბის განცხადებაშია აღნიშნული, ის გუნდს თურქულ შეკრებაზე 9 თებერვალს შეუერთდება, დეტალები კი მოგვიანებით გახდება ცნობილი.

ფრიმპონგის კარიერა იტალიური „ვიჩენცას“ ახალგაზრდულ გუნდში დაიწყო, შემდეგ კი 6 წლის განმავლობაში სერბული გუნდების, „ვოივოდინას, „ნაპრედაკისა“ და „ცრვენა ზვეზდას“ ღირსებას იცავდა, 2018-2021 წლებში „ფერენცვაროშში“ ითამაშა, ბოლოს კი საუდის არაბეთში „ალ აინის“ წევრი იყო. მას „ცრვენა ზვეზდაში“ 33 მატჩში 1 გოლი აქვს გატანილი, „ფერენცვაროშში“ კი, სადაც გიორგი ხარაიშვილისა და ლაშა დვალის თანაგუნდელი იყო, 55 შეხვედრაში 2 გოლი გაიტანა.