იტალიას ევროპის 2032 წლის ჩემპიონატის მასპინძლობა სურს. იტალიის ფეხბურთის ფედერაციამ უეფაში განაცხადი უკვე შეიტანა, რომელიც გადაწყვეტილებას მოგვიანებით მიიღებს.

ჯერჯერობით, მასპინძლობის სხვა კანდიდატების შესახებ ინფორმაცია არ ვრცელდება. იტალიაში ევროპის ჩემპიონატი ორჯერ ჩატარებულა - 1968 და 1980 წლებში.

გარდა ამისა, აპენინის ნახევარკუნძულმა ორჯერ მსოფლიოს ჩემპიონატსაც უმასპინძლა, 1934 და 1990 წლებში, მაგრამ უკვე 32 წელიწადია დიდი საფეხბურთო ფორუმი იტალიაში არ ჩატარებულა.